حبيبتى من ضفايرها طل القمر
وبين شفايفها ندى الورد بات
ضحكتها بتهز الشجر والحجر
وحنانها بيصحى الحياة فى النبات
حبيبتى بتعلمنى أحب الحياة
من حبى فيها حياتى شمس وربيع
والحب فى الدنيا دى طوق النجاة
لولاه يضيع قلب المحب الوديع
يا حلوة يا بلدنا يا نيل سلسبيل
فى حبك انت رفعنا راسنا لفوق
لو الزمان ليل ما يرهبنا ليل
شوقنا فى عروقنا يصحى شمس الشروق
الحلوة قلب كبير يضم الولاد
وزاد وزوادة وضلة وسبيل
الموت والاستشهاد عشانها ميلاد
وكلنا عشاق ترابها النبيل
ليست هناك تعليقات:
إرسال تعليق